Улогата на растенијата
Растенијата играат витална улога во нашата животна средина, обезбедувајќи безбедност на храната и отворајќи го патот кон одржлива иднина.
Добре дојдовте во #PlantHealth4Life, кампања на ЕУ којашто ја промовира виталната врска помеѓу здравјето на растенијата и нашите секојдневни животи. Штетниците и болестите на растенијата можат да влијаат на безбедноста на нашата храна, економијата и животната средина, додека здравите растенија значат здрава храна и одржлива иднина. Сите ние имаме улога да ги одржуваме растенијата здрави. Придружете се на #PlantHealth4Life и дознајте што можете да направите за да го подобрите здравјето на растенијата и да ја заштитите вашата заедница.
Растенијата учествуваат со 80% во храната што ја јадеме. Тие го прочистуваат воздухот што го дишеме и ни помагаат да се бориме против климатските промени со намалување на јаглеродот од атмосферата. Кога растенијата се здрави, тие обезбедуваат живеалишта и извори на храна за бројни животински видови, придонесувајќи за биолошката разновидност и севкупната стабилност на нашиот екосистем. Со заштитата на растенијата го штитиме животот.
1Патувања и растенија
Дали планирате да патувате? Постојат неколку важни фактори што треба да се имаат предвид за одржување на здравјето на растенијата и заштита на екосистемите.
2Одговорно градинарство
Со усвојување на одговорни техники за градинарство, вие играте клучна улога во заштитата на себеси, вашата заедница и животната средина.
3Пасоши за растенија
Пасош за растение е документ којшто содржи витални информации потребни за трговија со семиња, калеми, растенија и дрвја помеѓу бизнисите во ЕУ.
4Подучување на идните генерации
За да се обезбеди одржлива планета за идните генерации, од клучно значење е децата да ја разберат важноста на здравјето на растенијата.
Овде можете да најдете ресурси коишто ќе ви помогнат да станете застапник за здравјето на растенијата. Тие вклучуваат соопштение за медиуми, интересни видеа и визуелни слики, објави на социјалните мрежи и други ресурси, достапни на различни јазици. Користете ги и споделете ги!